У рамках Тыдня роднай мовы навучэнцы 3"Б" класа наведалі кабінет-імправізацыі "Вясковая школка пачатку 20 стагоддзя", дзе вучні пазнаёміліся з побытам і традыцыямі продкаў.
Цікава прайшла прэзентацыя віншавальных паштовак , якія зрабілі вучні 6-7 класаў. Асабліва актыўнымі былі вучні 6“Б” класа , якія ў сваіх паштоўках цікава аформілі шчырыя пажаданні роднай мове: "Няхай жыве ў вяках роднае слова!", "Жыві і квітней, наша родная мова!", "Няхай ліецца, нібы песня, мова народа!"... Нам застаецца толькі далучыцца да гэтых слоў і падзякаваць удзельнікам мерапрыемства.
Паштоўкі падрыхтавалі і вучні 1"А" класа. У ходзе мерапрыемства вучні з задавальненнем выказвалі пажаданні і віншаванні роднай мове. Дзеці паўтарылі сімвалы Беларусі, адлюстравалі іх у малюнках. Паштоўкі атрымаліся цудоўныя!
Для вучняў 2"А" класа мерапрыемства "Пажаданні роднай мове" было накіравана на развіццё творчых навыкаў, выхаванне любові да сваёй Радзімы і беларускай мовы, а таксама паўтарэнне сімвалаў нашай краіны.
На мерапрыемстве "Маё любімае слова па-беларуску" вучні 2"А" класа вучылі свае веды пра беларускую мову, успаміналі свае самыя любімыя словы, даведваліся для сябе новыя бакі нашай цудоўнай мовы і вучыліся творча падыходзіць да вырашэння праблем.
Вучні 3"Б" класа таксама прынялі актыўны ўдзел у прэзентацыі віншавальных паштовак "Пажадані роднай мове". Рабяты сваімі рукамі вырабілі цікавыя паштоўкі, у якіх выказалі сваю любоў і павагу да роднай мовы.
Акцыя «Размаўляй са мной па-беларуску» прайшла ў гэты дзень і мела на мэце звярнуць увагу на сакавітае гучанне і спецыфічны каларыт роднай мовы. Самымі папулярнымі словамі былі: каханне, радзіма, прывітанне, с задавальненнем чыталі дзеці вершы , байкі, урыўкі з твораў беларускіх пісьменнікаў. Мы ўсе павінны берагчы гэты духоўны скарб, і тады жывая і непаўторная родная мова раскажа ўсяму свету пра нашу краіну.
У 3"А" класе для пашырэння слоўнікавага запасу адбыўся конкурс паштовак "Пажаданні роднай мове". Дзеці разам з настаўнікам малявалі паштоукі, пісалі пажаданне беларускай мове. Вынікам стала выстаўка дзіцячых паштовак.
Вучні 2"Г" і 3"Г" класа таксама далучыліся да конкурсу паштовак роднай мове
Вучні 3 "В" класа азартна складалі віншаванні ў празаічнай и вершаванай форме пад кіраўніцтвам настаўніка і з дапамогай бацькоў.
З мэтай папулярызацыі беларускай мовы і культуры вучні школы наведалі этнаграфічны музей "Беларуская хатка". Дзяўчынкі і хлопчыкі працягнулі знаёмства з беларускімі звычаямі і традыцыямі, з прыладамі працы, беларускай будзёнай і святочнай вопраткай. Настаўнік паказаў, як працуе ткацкі станок, ствараюцца гліняныя цацкі, свістулькі. З задавальненнем і добрым настроем вучні разглядалі экспанаты музея.
Вучні 4 "Б" і "Г" таксама класаў прынялі ўдзел у напісанні віншавальных паштовак "Пажаданні роднай мове". Дзеці выказалі цёплыя словы падзякі роднай беларускай мове. Свае шчырыя пажаданні яны аздобілі прыгожымі малюнкамі.
19 верасня вучні 4 "Б" класа разам з настаўнікам музыкі Гібковай Г. А. і класным кіраўніком Садоўскай М. М. прынялі ўдзел у марафоне "Мова родная - мова модная". Дзеці выканалі ўрывак з беларускай народнай песні "Чаму ж мне не пець". Хлопчыкі і дзяўчынкі зрабілі выкананне песні артыстычным, сучасным і арыгінальным, чым выказалі сваё добрае стаўленне да беларускіх народных песень.
19 верасня вучні 4 "Б" класа ўдзельнічалі ў стварэнні воблака слоў "Маё любімае слова па-беларуску". У час размовы большасць дзяцей адзначыла, што самае дарагое для іх слова "Матуля". Яны падабралі шмат пяшчотных слоў на роднай мове, якімі могуць апісаць матулю. А вучаніца Кавалёва Валерыя прачытала верш В. Вярбы "Матуліны рукі". У канцы мерапрыемства вучні разам з класным кіраўніком склалі воблакі слоў. У адным знайшлі адлюстраванне мілагучныя беларускія словы, якімі дзеці характарызавалі матулю. Другое воблака склалі словы верша.
19 верасня для вучняў чацвёртых класаў была арганізавана экскурсія ў школьны літаратурны музей "Спадчына". Тэма экскурсіі - "Мы пішам, каб аб гэтым памятаць". Экскурсавод, настаўніца беларускай мовы і літаратуры, расказала вучням, што ў Год гістарычнай памяці важна яшчэ раз задумацца над сэнсам многіх твораў пісьменнікаў-землякоў пра падзеі Вялікай Айчыннай вайны, ролі мовы для кожнага беларуса, багацці духоўнай спадчыны. Дзеці даведаліся пра цікавыя творы, слухалі радкі з вершаў, задавалі пытанні, давалі адказы. Аповед экскурсавода выклікаў у дзяцей вялікую цікавасць. А настаўніца выказала хлопчыкам і дзяўчынкам пажаданні, каб яны любілі і шанавалі родную мову і спрабавалі самі пісаць вершы ці апавяданні на беларускай мове.
Вучні 9"А" класа і вучні малодшых класаў прынялі ўдзел ў стварэнні інтэрактыўных воблакаў слоў "Маё любімае слова па-беларуску". У час мерапрыемства рабяты пазнаёміліся з тэхналогіяй стварэння воблака слоў, паспрабавалі на камп′ютары стварыць уласныя воблакі слоў, а потым прадэманстравалі іх на прэзентацыях. Воблакі слоў дапамаглі вучням узнавіць у памяці вядомыя беларускія песні, творы беларускіх пісьменнікаў, а таксама ўспомніць шмат прыгожых і цікавых беларускіх слоў. Таксама вучні прапанавалі сваі ідэі па прымяненні воблакоў слоў у сучасным жыцці.
раскрыть » / « свернуть