Сур'ёзнай экалагічнай праблемай застаецца праблема захоўвання, перапрацоўкі, утылізацыі і абясшкоджвання цвёрдых вытворчых і бытавых адходаў. Нявырашанасць пытанняў размяшчэння, перапрацоўкі і ўтылізацыі цвёрдых бытавых адходаў прыводзіць да павелічэння іх аб'ёмаў, памераў займаемай імі тэрыторыі, росту колькасці несанкцыянаваных звалак, інтэнсіўнага забруджвання глеб, паверхневых вадаёмаў і падземных вод. Экалагічная гадзіна прысвечана важнай і надзённай тэме цяперашняга часу – праблемеЦвёрдых Бытавых Адходаў.
Мэта дадзенага мерапрыемства: стварэнне ўмоў для павышэння экалагічнай культуры сярод вучнящ. Экалагічная гадзіна дазволіла дзецям значна пашырыць, усвядоміць і асэнсаваць атрыманыя на ўроках веды па экалагічным выхаванні, прыцягнуць увагу да актуальных экалагічных праблем свайго роднага гораду і пашырыць уяўленне дзяцей аб экалагічнай бяспецы; фарміраваць пазітыўнае стаўленне да экалагічнай пісьменнасці і экалагічнай культуры.
Лашкевіч В.А., настаўнік пачатковых класаў