Чацверты дзень тыдня пачаўся з пяціхвілінак, прысвечаных пісьменнікам-юбілярам. Дэвізам былі абраны радкі “Быў. Ёсць. Буду”. Была аформлена выстава, якая спыняла, прыцягвала, абуджала цікавасць, жаданне сфатаграфавацца. І, магчыма, прачытаць казку, верш, п’есу, апавяданне.
Інтэрв′ю "Загавары па-беларуску"
Не так лёгка, як потым падзяліліся інтэрв’еры, браць і даваць інтэрв’ю з запісам на электронны носьбіт. Удзельнікі інтэрв’ю “Загавары па-беларуску” паднялі не надта лёгкія пытанні актывізацыі ўжытку беларускай мовы. Дзень роднай мовы, асэнсавана ці не, тычыцца кожнага чалавека. Бацькі, якія хочуць, каб іх дзеці размаўлялі па-беларуску, звычайна і самі беларускамоўныя. Ты так гаворыш, і твае дзеці так гавораць. Яшчэ важным уяўляецца тое, хто з’яўляецца носьбітам мовы. Медыйныя асобы, якія размаўляюць па-беларуску, – ужо эталон.
Анлайн-конкурс "Паэзіі радок чароўны"
Стартаваў і анлайн-конкурс “Паэзіі радок чароўны”, у якім прынялі ўдзел вучні, якія любяць выразна чытаць і ўмеюць гэта рабіць. Відэа адпраўлены і выстаўлены ў інтэрнэце для агульнага галасавання, будуць абраны самыя шчырыя і самыя артыстычныя выстуленні.
https://disk.yandex.by/i/pmgexNUKNQbDwg
https://disk.yandex.by/i/-dZFpZTsEWGMFg
https://disk.yandex.by/i/eDrcntAI4L27nw
Выстава беларускіх страў "Мы працяг твой, народ беларускі"
Беларуская нацыянальная кухня – гэта спадчына, якую пакінулі нашы продкі. Яна складалася на працягу шматлікіх вякоў і мае сваю гісторыю, традыцыі, асаблівасці, прыкметы, нормы, правілы і ўнікальнасць. Гэта неабходна захаваць, зберагчы і данесці да будучага пакалення, пазнаёміць вучняў з беларускай культурай і з багатымі беларускімі звычаямі і традыцыямі. Кухня павінны актыўна ўзаемадзейнічаць і прыносіць карысць у развіцці і захаванні народнага багацця. Беларуская традыцыйная ежа – адна з важнейшых частак матэрыяльнай культуры, якая поўнасцю звязана з этнічнай гісторыяй народа. Беларусь складаецца са шматлікіх рэгіёнаў, якія адрозніваюцца па шэрагу прыкмет, маюць свае комплексы страў і свае асаблівасці. Са значным павелічэннем сувязі паміж горадам і вёскай некаторыя асаблівасці зніклі і ў выніку гэтага працэса з’явіліся новыя. Да нашых дзён захаваліся яшчэ на Беларусі ўнікальныя вёскі, у якіх, дзякуючы моцным традыцыям і абрадам, захоўваюць і перадаюць цікавыя рэцэпты нацыянальных страў будучаму пакаленню старэнькія бабулі і дзядулі, дзе можна ўбачыць увесь каларыт і звычаі мясцовага насельніцтва. У свяце ўзгадваюцца асаблівасці беларускай кухні, шматлікія самабытныя стравы беларусаў, прыводзяцца прыказкі пра хлеб, загадкі, гульні. Работа нясе выхаваўчы патэнцыял, выклікае цікавасць маладога пакалення да гісторыі беларускай кухні, фарміруе павагу да мінулага нашых продкаў, выклікае жаданне шанаваць, услаўляць і берагчы традыцыі нацыянальнай кухні Беларусі.
Інтэлектуальная гульня "Ведай роднае слова"
Вучні пазнаѐміліся з гісторыяй узнікнення Міжнароднага дня роднай мовы, са становішчам беларускай мовы ў нашай дзяржаве. На аснове літаратурных і музычных твораў паказалі прыгажосць роднага слова, багацце нашай духоўнай спадчыны. Праз гульню даведаліся пра культуру, літаратуру, гісторыю сваѐй краіны, свайго народа. Вучні з любоў і павагай берана адносяцца да матчынай мовы, да нацыянальнай мовы народа.
Гульня "Славутыя класікі"
Гульня “Славутыя класікі” прайшла з мэтай падагульнення, пашырэння і сістэматызацыі ведаў вучняў пра славутых людзей, а таксама развіцця умення лагічна мысліць, рабіць параўнанні, вывады, падагульненні, развіваць памяць, вобразнае мысленне, кемлівасць, знаходлівасць. Хацелася абудзіць у падлеткаў пачуццё нацыянальнай і чалавечай годнасці, цікавасць да літаратурыі, яе культурнай спадчыны, любоў да роднай зямлі.
Музычная гасцёўня "Матуліна калыханка"
З мэтай фарміравання любві да роднай мовы, пачуцця любві і павагі да беларускага слова прайшла музычная гасцёўня “ Матуліна калыханка”. Свята прайшло у першых класах. Прысутных пазнаёмілі з народнымі звычаямі, легендамі, павер'ямі. Яшчэ раз акунуліся ў сваё дзяцінства, успомнілі калыханкі, якія матулі і бабулі спявалі сваім дзеткам, успомнілі люлькі-калыскі, у якіх калыхалі немаўлят.
Віктарына "Па старонках беларускіх народных казак"
Вучні прынялі ўдзел у віктарыне “Па старонках беларускіх народных казак”. У час віктарыны быў вызначаны самы кемлівы знаўца беларускіх народных казак. А яшчэ школьнікі паспрабавалі сябе ў ролі артыстаў і мастакоў. Яны інсцэніравалі беларускія народныя казкі і з вялікім задавальненнем зрабілі малюнкі да любімых казак.
Урок беларускай мовы "Зычныя гукі [т] – [ц’]"
У час праходжання тыдня беларускай мовы і літаратуры ў другім класе быў праведзены ўрок беларускай мовы па тэме: “Зычныя гукі [т] – [ц’]. Пад час занятку вучні замацоўвалі навыкі вымаўлення гука [ц’] і слоў з ім, практыкаваліся ў вылучэнні на слых слоў з гэтым гукам. На ўроку выкарыстоўваліся розныя віды дзейнасці: самастойная работа па картках, работа ў сшытках на друкаванай аснове, калектыўная работа.Таксама на ўроку звярталася ўвага выхаванню клапатлівых адносін да роднай мовы. Псіхалагічная атмасфера ўрока была камфортнай і добразычлівай.
Краязнаўчая віктарына "Любімыя куткі малой радзімы"
Падчас мерапрыемства вучні змаглі прадэманстраваць свае інтэлектуальныя і творчыя здольнасці. Месца, дзе ты нарадзіўся і жывеш, для кожнага чалавека самае дарагое, і трэба ведаць яго гісторыю, паважаць людзей працы, шанаваць родную мову.
разгарнуць » / « згарнуць