У адпаведнасці з загадам Міністра адукацыі Рэспублікі Беларусь ад 06.08.2020 № 582 "аб вывучэнні якасці агульнай сярэдняй адукацыі ў 2020/2021 навучальным годзе" ў мэтах рэалізацыі задачы па павышэнні якасці агульнай сярэдняй адукацыі і вывучэння ўзроўню адукацыйных вынікаў навучэнцаў былі праведзены рэспубліканскія кантрольныя работы сярод навучэнцаў IX класаў па наступных вучэбных прадметах: «Фізіка» – 2 лютага 2021 года, «Біялогія» – 9 лютага 2021 года, «Матэматыка» – 16 лютага 2021 года, а таксама вывучэнне фінансавай граматнасці навучэнцаў – 23 лютага 2021 года.

Навучэнцы 9 «А», 9 «Б», 9 «В» класаў ДУА «Сярэдняя школа № 1 г. Бялынічы імя Мікалая Іванавіча Пашковского» 23 лютага 2021 года паказалі свае веды па фінансавай пісьменнасці. Яны выканалі кантрольную працу, прайшлі онлайн анкетаванне па пытаннях фінансавай граматнасці. Таксама онлайн анкетаванне прайшлі і іх бацькі. Ужо сталі вядомыя папярэднія вынікі кантрольнай работы. Усе навучэнцы справіліся з кантрольнай працай, пацвердзіўшы свой узровень навучальных дасягненняў.