У рамках работы рознаўзроставага атрада праходзяць шмат разнастайных мерапрыемстваў, дзе вучні весела і цікава праводзяць лета.

Падчас удзелу ў летніх эстафетах ўдзельнікі прадэманстравалі спрытнасць, хуткасць рэакцыі, цягавітасць, ўзаемавыручку.

У літаратурна-пазнавальнай гульне «Па краіне літаратурных герояў» дзеці з цікавасцю выконвалі заданні, якія былі накіраваны на актывізацыю цікавасці да чытання мастацкай літаратуры, і паказалі добрыя веды дзіцячай літаратуры.

Экскурсія ў школьную бібліятэку «Сховішча мудрасці» дазволіла ім больш даведацца аб правілах карыстання бібліятэкай. Гэтак жа дзеці абагульнілі веды аб правілах абыходжання з кнігай і атрымалі парады па падборы неабходнай літаратуры.

Забаўляльная праграма "Мы разам" дазволіла рабятам абагульніць свае веды аб дружбе, яе правілах. Вучні таксама вучыліся знаходзіць выхад з  нестандартных сітуацый.
А конкурс малюнкаў на асфальце «Я малюю лета» дазволіў удзельнікам праявіць свае творчыя здольнасці, стварыць добры настрой.