Сустрэча пачалася са знаёмства з гісторыяй раённай міліцыі і прайшла ў фармаце адкрытага дыялогу. Дзецям распавялі пра спецыфіку працы розных падраздзяленняў: аператыўна-дзяжурнай службы, службы ўчастковых інспектараў, групы па грамадзянстве і міграцыі. Асаблівую ўвагу надалі пытанням прафарыентацыі: старшакласнікам падрабязна патлумачылі правілы паступлення ў навучальныя ўстановы МУС Рэспублікі Беларусь і перавагі службы ў органах унутраных спраў. Такія сустрэчы дапамагаюць дзецям вызначыцца з выбарам будучай прафесіі і па-новаму зірнуць на працу тых, хто штодня забяспечвае нашу бяспеку. Дзякуем супрацоўнікам аддзела за цікавую сустрэчу і магчымасць зазірнуць за кулісы важнай і адказнай прафесіі!