Выдатным завяршэннем восеньскіх канікул для вучняў 4-7 класаў стала паездка ў горад Мінск. Рабяты наведалі інтэрактыўны парк займальных навук "Квантум", дзе ўсе экспанаты можна і трэба чапаць рукамі, круціць іх і гуляць з імі!
Далей прагулка працягнулася ў Музеі авіяцыі і касманаўтыкі, дзе рабяты пабывалі ў кабінах лятальных апаратаў, адчулі сябе сапраўднымі пілотамі.
Скончылася паездка наведваннем Беларускага дзяржаўнага музея гісторыі Вялікай Айчыннай вайны, дзе азнаёміліся з дакументальнымі і матэрыяльнымі сведчаннямі аб подзвігу і ахвярах беларускага народа ў гады вайны ў імя захавання міру на зямлі.
