Рэспубліканская акцыя "Летні патруль" - сумесны праект МНС Рэспублікі Беларусь і БРСМ", закліканы фарміраваць у грамадстве культуру бяспекі жыццядзейнасці. З гэтай мэтай ва ўсіх рэгіёнах краіны праводзяцца мерапрыемствы па прафілактыцы і папярэджанні ўзнікнення пажараў і гібелі ў іх людзей. Работнікі падраздзяленняў МНС сумесна з удзельнікамі моладзевых атрадаў аховы арганізуюць рэйды ў лясы і на тарфянікі, патрулююць афіцыйна ўстаноўленыя месцы для купання і адпачынку грамадзян ля берагавой лініі вадаёмаў.

Важны элемент акцыі - навучанне грамадзян асновам бяспекі жыццядзейнасці праз распаўсюджванне наглядна-выяўленчай прадукцыі (флаераў), правядзенне лекцый, адкрытых дыялогаў, масавых акцый (флэшмобаў).

Прафілактычная акцыя "Летні патруль" прайшла і на тэрыторыі месцаў масавага адпачынку Бялыніцкага раёна з наведваннем лагера "Патрыёт". Першы сакратар БРСМ сумесна з РАНС і АСВОД праводзілі тлумачальную працу для адпачывальнікаў рабят аб правілах паводзін на вадзе.