Першы ў раёне сельскагаспадарчы студэнцкі атрад працуе на відавой праполцы збожжавых культур у ААТ «Аграсэрвіс».

- Атрад "Мара" Імя двойчы Героя Савецкага Саюза імя П.Я. Галавачова складаецца з 10 чалавек, навучэнцаў СШ №1 імя Н.І. Пашкоўскага, – распавяла першы сакратар РК ГА «БРСМ» Алена Кандрацьева. Рабяты будуць працаваць 10 дзён, а затым працоўную эстафету падхопяць БУКП «Жылкамгас» і Бялыніцкі лясгас. Гэтыя дзве арганізацыі прымуць ужо другую партыю юных работнікаў, адпаведна, 20 і 10 чалавек, якія будуць працаваць на добраўпарадкаванні нашага горада і ў лясным гадавальніку каля аграгарадка Цяхцін.

Як заўважыла моладзевы лідэр, другасная гадовая занятасць карыстаецца папулярнасцю ў навучэнскай моладзі. Бо гэта не толькі першы заробак, які можна выкарыстоўваць па сваім меркаванні, але таксама і немалая дапамога арганізацыям, пачуццё дачынення да агульнай справы.

У будучыні, прыходзячы на першае працоўнае месца, атрыманыя ў студатрадзе навыкі калектыўнай працы дапамогуць юнакам і дзяўчатам хутчэй ўліцца ў працу, быць адказней, ведаць, разумець і паважаць чалавечую працу.