Сёння ў нашай школе ўрачысты, але хвалюючы дзень. Празвінеў развітальны званок, які сабраў вакол сябе вялікую школьную сям'ю. Доўгачаканым, але ў той жа час і сумным стаў гэты дзень для віноўнікаў урачыстасці - выпускнікоў 2025 года. Дзеці пакідаюць сцены роднай школы. Наперадзе іх чакаюць экзамены, выпускны вечар, уступленне ў дарослае самастойнае жыццё.
З якім трапятаннем яны чакалі гэты дзень, і вось ён настаў…

У гэтае свята выпускнікоў прыйшлі павіншаваць педагогі, бацькі, ганаровыя госці. З найлепшымі пажаданнямі і сказанымі на дарогу словам яны звярнуліся да хлопцаў. А выпускнікі, для якіх празвінеў апошні званок, назаўжды развітваюцца са сваім цудоўным школьным дзяцінствам, пакінуўшы за сабой толькі яркі след і ўспаміны.

Светлых і лёгкіх вам дарог, выдатнай будучыні, дарагія выпускнікі!