Дзяржаўны сцяг, Дзяржаўны герб і Дзяржаўны гімн Рэспублікі Беларусь - не проста афіцыйныя атрыбуты. Гэта сакральнае ўвасабленне шматвяковага шляху нацыі, яе нязломнага духу і светлых памкненняў.
Наш герб-гэта цэлая філасофія. У яго цэнтры-узыходзячае сонца, сімвал надзеі і новага дня. Каласы, пераплеценыя з канюшынай і льном, кажуць аб працавітасці і сувязі з зямлёй. А Чырвоная зорка-напамін пра цану, якую заплацілі нашы продкі за свабоду.
Асаблівае значэнне маюць і колеры нашага сцяга.
Чырвоны-сіла, мужнасць, высакароднасць, энергія. Зялёны-надзея, здароўе, маладосць, адраджэнне, працавітасць, стварэнне, прыродная гармонія. Белы-чысціня, мудрасць, веды. А арнамент сімвалізуе старажытную культуру народа, яго духоўнае багацце.
Словы "Мы, беларусы" ведае кожны. Гэта музычнае ўвасабленне Духу нацыі. У яго радках – і павага да мінулага, і гатоўнасць будаваць будучыню, і адкрытасць свету.