У рэдакцыі раённай газеты "Зара над Друццю" школьнікі – наведвальнікі нярэдкія, бо праца журналістаў – яна і сама па сабе вельмі цікавая, і некаторыя рабяты, якія задумваюцца аб будучай прафесіі, маюць магчымасць загадзя пазнаць ўсе нюансы жыцця і творчасці "уладароў" пяра. 11-класнікі СШ №1 ім. М.І. Пашкоўскага разам з настаўнікам Сяргеем Скамейкам, пабываўшы ў рэдакцыйных калідорах, даведаліся, як ствараецца раёнка ад ідэі матэрыялу да гатовай газетнай паласы. Галоўны рэдактар "Зары над Друццю" Вольга Набокава цёпла пагутарыла з рабятамі, якія ўжо вось-вось пакінуць школьныя сцены, пажадала ім мэтанакіраванасці і настойлівасці, каб усе яны выбралі навучальную ўстанову па душы і смела глядзелі ў будучыню.