15 лістапада 2024 г.навучэнцы нашай школы Нізаўцова Юлія і Семашкевіч Васіліса прынялі ўдзел у трэцім (абласным) этапе рэспубліканскай алімпіяды па фінансавай пісьменнасці.

На адкрыцці мерапрыемства выступілі Жудро Міхаіл Міхайлавіч, рэктар установы адукацыі "Магілёўскі дзяржаўны абласны інстытут развіцця адукацыі", кандыдат эканамічных навук, дацэнт, і Чарнова Анжаліка Іванаўна, намеснік кіраўніка, начальнік аддзела кліенцкага сэрвісу сэрвіснага офіса № 600 ААТ" Банк БелВЭБ", старшыня журы.

У алімпіядзе прынялі ўдзел 70 навучэнцаў.

Прыемна адзначыць, што Юлія стала восьмай у агульным рэйтынгу сярод 70 удзельнікаў алімпіяды. Гэта найлепшы вынік за ўсю гісторыю ўдзелу прадстаўнікоў нашай школы ў гэтай алімпіядзе.

Пажадаем Юліі і Васілісе далейшых поспехаў і будзем спадзявацца, што ў наступным годзе ўбачым іх прозвішчы сярод пераможцаў алімпіяды па фінансавай граматнасці.