Студэнцкія атрады-гэта школа жыцця. Тут рабяты атрымліваюць свой першы досвед працы, які ў далейшым ім спатрэбіцца як у працаўладкаванні, так і ў побыце, вучацца быць адказнымі, самастойнымі, праяўляюць лідэрскія якасці і ўменне працаваць у камандзе. Актыўны адпачынак, дастойная заработная плата, а таксама дапамога роднаму краю стаць чысцей і прыгажэй – галоўнае, што матывуе байцоў экалагічнага атрада ў сваёй дзейнасці.

З 8 ліпеня 2024 г. арганізавана работа экалагічных студэнцкіх атрадаў.

На працягу 10 дзён 14 навучэнцаў атрада "Ідэал" імя героя Савецкага Саюза С.Р. Церашкевіча будуць выконваць розныя работы па азеляненні раённага цэнтра – уладкаванне аб'ектаў зялёнай гаспадаркі, праполку, утрыманне зялёных насаджэнняў.

Рабяты з экалагічнага студэнцкага атрада "Патрыёт" імя М.Т. Кітаева будуць працаваць у ААТ "Аграсэрвіс" падсобнымі рабочымі: ажыццяўляць відавую праполку збожжавых культур.