У рамках рэспубліканскай акцыі "Канікулы без дыму і агню!" работнікі Бялыніцкага раённага аддзела па надзвычайных сітуацыях сумесна з прадстаўніком Асвода, спецыялістам ІСН Бялыніцкага РАУС і ДАІ правялі мерапрыемства сярэдняй школе №1 г.Бялынічы імя М.І.Пашкоўскага».

Інспектар МНС Аляксандр Даўгалёў правёў вучэбную эвакуацыю з будынка школы з выхаванцамі дзіцячых лагераў. Пасля эвакуацыі рабяты падзяліліся на каманды і прынялі ўдзел на гульнявых пляцоўках. Ратавальнікі правялі розныя конкурсы і віктарыны падчас якіх дзеці ўспомнілі нумары экстранных службаў і парадак дзеянняў у выпадку ўзнікнення небяспечных сітуацый, як дома, так і на вуліцы, а таксама хлапчукам і дзяўчынкам нагадалі, што дазволена купацца толькі ў спецыяльна адведзеных для гэтага месцах і толькі з дарослымі.

Падчас сустрэчы дзеці атрымалі зарад станоўчых эмоцый, а таксама паўтарылі важныя правілы бяспечнай жыццядзейнасці.

Ратавальнікі заклікаюць не пакідаць маленькіх дзяцей адных, вы заўсёды павінны быць побач.