24 лістапада навучэнцы 6-х класаў нашай школы пабывалі на экскурсіі ў Магілёўскім абласным цэнтры бяспекі. Школьнікі прынялі ўдзел у інтэрактыўнай гульні, у якой мадэляваліся розныя надзвычайныя сітуацыі.
Удзельнікі гульні адпрацоўвалі эвакуацыю пры пажары з моцна задымленых памяшканняў, прайшлі тэставанне пры дапамозе планшэтаў, пабывалі ў сітуацыі, калі трэба паведаміць пра здарэнне ў розныя экстранныя службы. Тэхналогіі дапоўненай рэальнасці дапамаглі навучэнцам і пры тушэнні пажару. Школьнікі нават змаглі дапамагчы чалавеку, які праваліўся пад лёд. І многія іншыя сітуацыі нікога не пакінулі абыякавымі.
Школьнікі пакідалі Цэнтр бяспекі, дзелячыся адзін з адным яркімі эмоцыямі і ўражаннямі.