У рамках рэспубліканскай акцыі «Моладзь за бяспеку» ратавальнікі Бялыніцкага раённага аддзела па надзвычайных сітуацыях сумесна з актывістамі БМААСП сярэдняй школы №1 г.Бялынічы імя М.І.Пашкоўскага» аказалі дапамогу Краснапер Тамары Міхайлаўне, якая пражывае ў вёсцы Рогач. Склалі дровы, навялі парадак на прысядзібным участку, выкінулі непатрэбнае смецце з двара, а таксама правялі прафілактычную гутарку, падарылі кніжныя дапаможнікі і нагадалі аб дзеяннях у выпадку ўзнікнення пажару. Тамара Міхайлаўна вельмі ўзрадавалася візіту юных ратавальнікаў, бо большасць з наведвальных самотныя і ім, часам, нават не з кім пагаварыць, а крышачку ўвагі і аказаная пасільная дапамога выклікаюць падзяку і шчырую ўсмешку!