Маладзёжная акцыя ў рамках Рэспубліканскага экалагічнага мерапрыемства па ўборцы смецця " Мы клапоцімся " прайшла ў Бялынічах.

✔ ️Рабяты, неабыякавыя да экалагічных праблем нашых ваколіц, прайшлі па берагах ракі Друць ад гарадской лазні да пляжу «пяскі» і сабралі смецце ў прыбярэжнай паласе. Важнай умовай акцыі быў паасобны збор смецця: пластык, шкло і паперу хлопцы збіралі ў розныя пакеты.

 - Усяго Мы сабралі каля 30 кг смецця, – распавяла галоўны спецыяліст райінспекцыі ПРиООС Кацярына Окунева. - Вельмі ўдзячная і дзецям, і педагогам абедзвюх школ, і маладзёжнаму актыву РК ГА «БРСМ», якія ўсе разам зрабілі такую добрую справу.

Дарэчы, усе хлопцы працавалі з добрым настроем, атрымалі пазітыўныя эмоцыі ад зносін і засвоілі важны ўрок, што родную зямлю трэба берагчы і клапаціцца пра яе заўсёды.