Фільм "На другім беразе" ад студыі "Беларусьфільм" распавядае гледачу пра жыццё ў Заходняй Беларусі, далучанай Рыжскім мірным дагаворам да Польшчы. Дзеянні кінастужкі разгортваюцца ў 1925 годзе ля мяжы Заходняй Беларусі і БССР - там пражывае галоўны герой фільма Павел разам са сваёй маці. Ён назірае, як польская ўлада імкнецца асіміляваць беларусаў, выкараніць мову, культуру і веру. Хваляванні, партызанская вайна, жорсткае падаўленне любых спробаў захаваць нацыянальную ідэнтычнасць - усё гэта праз гісторыю галоўнага героя ўбачылі рабяты.
