З 10 ліпеня 2023 года арганізавана работа экалагічнага студэнцкага атрада імя героя Савецкага Саюза С.г. Церашкевіча «ідэал». На працягу 10 дзён 14 навучэнцаў ДУА «Сярэдняя школа №1 г.Бялынічы ім. Н. І. Пашкоўскага " будуць выконваць розныя работы па азеляненні раённага цэнтра – уладкаванне аб'ектаў зялёнай гаспадаркі, праполку, утрыманне зялёных насаджэнняў. Студэнцкія атрады-гэта школа жыцця. Тут хлопцы атрымліваюць свой першы досвед працы, які ў далейшым ім спатрэбіцца як у працаўладкаванні, так і ў побыце, вучацца быць адказнымі, самастойнымі, праяўляюць лідэрскія якасці і ўменне працаваць у камандзе. Актыўны адпачынак, дастойная заработная плата, а таксама дапамога роднаму краю стаць чысцей і прыгажэй – галоўнае, што матывуе байцоў экалагічнага атрада ў сваёй дзейнасці.