Штогод 21 лютага ва ўсім свеце адзначаецца Міжнародны дзень роднай мовы. Свята гэта, абвешчанае 17 лістапада 1999 года на 30-й сесіі ЮНЕСКА, накіравана на заахвочванне моўнай разнастайнасці і шматмоўнай адукацыі і спрыяе ўсведамленню моўных і культурных традыцый, якія грунтуюцца на ўзаемаразуменні, цярпімасці і дыялогу…

Гэта свята традыцыйна адзначае і наша ўстанова адукацыі. Таму ў гонар Дня роднай мовы сярод вучняў школы прайшоў флэшмоб "Слова наша роднае, ты ў сэрцы маім" на песню “Беларуская мова” групы Дразды, адной з лепшых сучасных айчыных груп, якую ведаюць усе беларусы

З мэтай, папулярызацыі беларускай мовы і літаратуры, рэкламы кніг, каб іх змест закрануў іншых, вучні XI класа падрыхтавалі буктрэйлеры.Зроблены яны па матывах твораў беларускіх пісьменнікаў Казіміра Камейшы “Курганны звон” і Васіля Быкава “Знак бяды”

https://disk.yandex.ru/d/qPJWlfdxGKv0Gg

https://disk.yandex.ru/d/hymqjpzWnJHXTg

Для афармлення фотазоны вучні намалявалі насценгазеты з крыжаванкамі, загадкамі, прыказкамі і словамі беларускіх пісьменнікаў аб нашай мове. Сярод слоў, што вучні напісалі на іх былі і пажаданні мовебыць моцнай і папулярнай, быць у сэрцы і на вуснах кожнага беларуса!

Так, усіх уразіў спектакль паводле апавядання Змітрака Бядулі “На Каляды к сыну”, які падрыхтавалі і паказалі сямікласнікі

Прыгожая, мілагучная, блізкая да сэрца!..

Рэспубліканская дыктоўка па беларускай мове прайшла сярод вучняў і настаўнікаў нашай школы. Гэта выдатная магчымасць для кожнага не толькі праверыць веды, але і дакрануцца да нацыянальнай культуры. З кожным годам колькасць удзельнікаў толькі павялічваецца.

Вучні Іскраўскай базавай школы наведалі літаратурны музей "Спадчына", праведзена экскурсія "Роднае слова ў творчасці маіх землякоў"