На базе ДУА “Сярэдняя школа № 1 імя Мікалая Іванавіча Пашкоўскага” 19.10.2018 адбыўся раённы этап рэспубліканскай алімпіяды па пытаннях фінансавай пісьменнасці. Яе арганізатарамі выступілі Міністэрства адукацыі і Нацыянальны банк Рэспублікі Беларусь. Алімпіяда праводзіцца з мэтай павышэння эканамічнай і фінансавай пісьменнасці навучэнцаў агульнай сярэдняй адукацыі, распаўсюджвання і папулярызацыі фінансавых ведаў сярод моладзі.

У алімпіядзе прынялі ўдзел 16 навучэнцаў раёна. Па выніках раённага этапу пераможцамі сталі навучэнцы ХI «А» класа сярэдняй школы № 1 г.Бялынічы імя М.І.Пашкоўскага Лашкевіч Маргарыта (Дыплом І ступені), Сцяпанаў Анатолій (Дыплом ІІ ступені).

Пераможцы раённага этапу прадставяць Бялыніцкі раён у абластным этапе рэспубліканскай алімпіяды па фінансавай пісьменнасці.

Настаўнік гісторыі і грамадазнаўства

ДУА “Сярэдняя школа № 1 імя Мікалая Іванавіча Пашкоўскага”

Сяргей ЛІСТАПАД